Vorfundur US og lögreglu

Árlegur vorfundur Umferðarstofu og Lögreglu með bifhjólafólki  verður haldinn í Hvammi á Grand hótel Reykjavík mánudaginn 30. Apríl kl 18:00. Fundurinn er að þessu sinni öllum opinn, og hvetjum við bifhjólafólk til að fjölmenna á fundinn og taka þátt í umræðum um umferð og öryggi á komandi hjóla-sumri.

http://www.sniglar.is/allar-frettir/item/798-vorfundur-us-og-l%C3%B6greglu

1. maí

Sniglar munu halda sína árlegu hópkeyrslu þann 1. maí næstkomandi eins og venja er. Safnast verður saman á Laugaveginum kl. 11:30 og lagt af stað kl. 12:30. Keyrslan endar svo við Kirkjusand þar sem tekið verður á móti hópnum með kaffi og með'ðí. Á planinu mun fara fram keppni í akstursleikni á vespum/skellinöðrum og eru verðlaun í boði fyrir færasta ökumanninn. Einnig verða veitt sérstök verðlaun fyrir þann sem er best gallaður með tilliti til öryggis. Sniglar hvetja allt vespu- og skellinöðrufólk á öllum aldri til að mæta og taka þátt í keyrslunni með okkur. Munið eftir klinkinu í Sniglabaukinn og að sjálfsögðu góða skapinu! Einnig viljum við biðja ykkur að taka sölumönnum Bláa naglans vel en þeir verða á svæðinu að safna fyrir nýjum línuhraðli sem notaður er við geislameðferð krabbameins. Sjáumst hress á 1. maí!

Akstursleið keyrslunnar er:

Lagt af stað frá Laugavegi - hjólað um Lækjargötu, Vonarstræti, Suðurgötu, Hringbraut, Ánanaust, Mýrargötu, Geirsgötu, Sæbraut, Kringlumýrarbraut, Borgartún og endað á Kirkjusandi.

http://www.sniglar.is/sniglar/allarfrettir/item/799-1-ma%C3%AD

Fimmtudaginn 12. apríl ætlum við hjá Yamaha að vera með mótorhjólasýningu þar sem meðal annars verður sýnt nýtt Yamaha VMAX hjól, auk þess sem bæði gömul og ný Yamaha mótorhjól verða til sýnis.

Við værum þakklát ef að þú gætir áframsent þennan póst á félaga í þínum klúbbi og/eða sett upplýsingar um sýninguna inn á heimasíðu klúbbsins.